კონსტრუქციული კომუნიკაცია არის ორ, ან მეტ ადამიანს შორის ინფორმაციის მიმოცვლის ისეთი პროცესი, როდესაც ჩართულ პირებს შორის ხდება მაქსიმალური მოსმენა, გაგება და აღიარება. იმისათვის, რათა მივაღწიოთ კონსტრუქციულ კომუნიკაციას მნიშვნელოვანია ვაცნობიერებდეთ კომუნიკაციის პროცესის ზოგად პრინციპებს და ვფლობდეთ შესაბამის ტექნიკებს. აღნიშნული მოდული ეყრდნობა სწორედ იმ პრინციპების გაცნობიერებას და ტექნიკების დახვეწას, რაც ტრენინგის მონაწილეებს დაეხმარება კონსტრუქციული კომუნიკაციის წარმართვაში, როგორც ფორმალურ, ასევე არაფორმალურ სიტუაციებში. კურსის მიზანია მსმენელების იმ საბაზისო ცოდნით აღჭურვა, რაც მათ დაეხმარებათ ეფექტიანად მართონ პროცესი როგორც საქმიან, ისე პირად კომუნიკაციაში. კურსის გავლის შედეგად მონაწილეები შეძლებენ:

• გააცნობიერონ კომუნიკაციის ძირითადი პრინციპები;
• აღმოაჩინონ კომუნიკაციის პროცესში არსებული ბარიერები და შეძლონ მათი ეფექტიანად მართვა;
• მოახდინონ მათი სათქმელის ფორმულირება მსმენელისათვის მისაღებ/გასაგებ ენაზე;
• შეამცირონ როგორ საკუთარი, ასევე მსმენელის მხრიდან წამოსული წინააღმდეგობა და ემოციური ფონი;
• გასცენ ეფექტიანი უკუკავშირი.