პიროვნული განვითარება მუდმივი და უწყვეტი პროცესია, რომელიც მთელი სიცოცხლის მანძილზე მიმდინარეობს და მოიცავს პიროვნების განსხვავებულ ასპექტებს. ხშირად, ყურადღების მიღმა რჩება ის ფაქტი, რომ გარდა ფიზიკური, გონებრივი თუ შემოქმედებითი განვითარებისა, მნიშვნელოვანია ემოციური სფეროს განვითარებაც.

ითვლება, რომ ემოციური მომწიფება, კერძოდ ემოციებთან დაკავშირებული პიროვნული მახასიათებლების განვითარება თავისთავად მოხდება ცხოვრებისეული გამოცდილების საფუძველზე, რასაც სჭირდება დრო. რეალურად, კვლევების თანახმად, ემოციური განათლების მიღება ხელს უწყობს ემოციური ინტელექტის სწრაფად, უმტკივნეულოდ ჩამოყალიბებას და განაპირობებს ადამიანის წარმატებას.

კურსის ფარგლებში თქვენ მიიღებთ ემოციურ განათლებას. გაეცნობით ემოციების ფსიქოლოგიის ძირითადი საკითხებსა და  ემოციური ინტელექტის პიროვნული განვითარების მოდელს, რაც დაგეხმარებათ საკუთარი თავის ანალიზში, თვითგამორკვევაში, თვითმართვისა და ემოციების რეგულაციის უნარების განვითარებაში.

კურსი აგებულია ფსიქოგანათლების პრინციპებზე, ეფუძნება საერთაშირისო გამოცდილებას, კერძოდ ბოლო ათწლეულის კვლევებზე დაფუძნებულ სამეცნიერო მიგნებებსა და თანამედროვე მიდგომებს.

პროგრამა შედგება ოთხი ძირითადი ნაწილისგან:

• პიროვნული განვითარების მოდელი

• ემოციების მოქმედების მექანიზმი

• თვითმართვა და ემოციების რეგულაცია

• ჯანსაღი თვითშეფასება და თვითმოტივაცია

გაითვალისიწინეთ, პროგრამის თითოეული  ნაწილის ბოლოს თქვენ ავსებთ ქვიზს, რათა გადახვიდეთ შემდეგ ეტაპზე. კურსის ბოლოს კი - შემაჯამებელი ტესტის გამოყენებით შეძლებთ შეაფასოთ კურსის ფარგლებში მიღებული ცოდნა და მიიღოთ შესაბამისი სერტიფიკატი.

კურსის გავლისთვის საჭიროა თქვენი აქტიური ჩართულობა. პროგრამა მოიცავს ვიდეო-მასალას, ფსიქოლოგიურ ტესტებს, ქვიზებს, საკითხავ მასალას, დამატებით წყაროებსა და ინდივიდუალურ აქტივობებს.

კურსს უძღვება ფსიქოლოგი - მაია ხოსიტაშვილი, ფსიქოგანათლების ცენტრის ,,Psycho-solutions”-ის  დამფუძნებელი.